Buwan ng Wika 2016 tema: “Filipino: Wika ng Karunungan”

Buwan ng Wikang Pambansa 2016

Kada Agosto ng bawat taong-akademiko, ang “Buwan ng Wika” ay isa sa mga pinaka-aabangang kaganapan sa lahat ng mga paaralan, mapa-elementarya, sekondarya, at maging sa kolehiyo.  Ayon sa Komisyon ng Wikang Filipino (KWF), ang tema ng pagdiriwang ngayong taon ay Filipino: Wika ng Pambansang Kaunlaran.

buwan ng wika 2016 tema

Ang tema ng Buwan ng Wika 2016 ay “Filipino: Wika ng Karunungan”

Ayon sa Memorandum #24 s. 2016 ng Department of Education, maaaring gamitin ng mga paaralan ang mga sumusunod na sub-tema sa pag-oorganisa ng kanilang mga gawain:

1) Filipino: Wika ng Edukasyon at Kalinangan
2) Intektuwalisadong Wikang Pambansa, Wika ng Umuunlad na Bansa 
3) Pagsasalin: Susi sa pagtamo at papapalaganap ng mga kaalaman at karunungan
4) Ang Filipino ay Wika ng Saliksik

Gaya ng nabanggit na dati, ipinagdiriwang ng mga paaralan sa buong bansa ang Buwan ng Wika sa pamamagitan ng iba’t ibang gawain gaya ng sabayang pagbigkas, dula-dulaan, sayaw-awit o sayawit, pagsulat ng sanaysay, at iba pa.

Komentaryo hinggil sa tema:

Para sa maraming tao, ang pagiging mahusay sa wikang Ingles ang isa sa batayan upang matawag na intelihente. Sa kabilang banda, ang mga mahilig gumagamit sa wikang Filipino ay kadalasang kinukutya naman bilang mga “makata.”

Masasabing ang paggamit sa temang “Filipino: Wika Ng Karunungan” ay isang direktang tugon sa maling persepsyon na ito. Mapapansin naman na dalawa sa apat na sub-tema ay tumatalakay sa papel ng Filipino sa pagpapalaganap ng kaalaman at mga pananaliksik.

Halimbawa, karamihan sa mga tesis, disertasyon, at mga nalalathalang pananaliksik ay nasusulat sa wikang Ingles. Bagaman nakakatulong ito sa konteksto ng globalisasyon, dapat ring bigyang prayoridad ang pangangailangan na maipaalam ang nilalaman nito sa mga ordinaryong Pilipino.

“Like” The Filipino Scribe on Facebook!

Comments

comments

Leave a Reply

  1. Guys madali lang naman gumawa nang sanaysay lalo na’t kung naiintindihan mo talaga ang tema at ang mga iba’t-ibang karunungan na naidulot nito sa atin bilang pilipino 🙂