Belmonte: Tablets, hindi na babawiin mula sa mga graduating na estudyante ng QC

Belmonte: Tablets, hindi na babawiin mula sa mga graduating na estudyante ng QC

Inaprubahan ni Mayor Joy Belmonte ng Quezon City ang panukala na huwag na bawiin pa mula sa mga mag-aaral na magsisipag-tapos ng elementarya (Grade 6), junior high school (Grade 10), at senior high school (Grade 12) ang mga tablet na ipinahiram sa kanila ng pamahalaang lungsod sa pagsisimula ng school year 2020-2021.

Ito ang panahon kung kailan sinimulan ng Department of Education (DepEd) ang implementasyon ng blended learning bilang pagtugon sa pandemya ng COVID-19.

Ayon sa division memorandum 254 s. of 2022 na nilagdaan ng Schools Division Superintendent na si Dr. Jenilyn Rose Corpuz, binigyang diin na sa pagtatapos ng school year 2021-2022 ay mapupunta na sa mga graduates ng pampublikong paaralan ng lungsod ang pagmamay-ari sa mga tablets na pinahiram sa kanila.

Sa nasabi ring memorandum, dinagdag ni Corpuz na simula ngayong school year 2021-2022, mananatili na sa mga estudyante ang mga tablets hanggang sa pag-abante nila sa susunod na antas. “Loaned tablets assigned to a student shalI remain with the student even as he/she is promoted to another grade level in another Quezon Clty public school,” ayon kay Corpuz.

Gayunman, idiniin rin sa memorandum na imo-monitor pa rin ng DepED-QC ang kalagayan ng mga tablet na napahiram sa mga estudyante. Kung sakali man na sila ay mag-drop out, dapat ibalik ng mga estudyante ang tablet. Iginiit rin sa memorandum na isang beses lang maaaring manghiram ng tablet ang mga estudyante hanggang sa sila ay nasa basic education.

Comments

comments

Mark Pere Madrona

The Filipino Scribe (TFS) is managed by Mark Pere Madrona, a multi-awarded writer and licensed professional teacher from the Philippines. Mr. Madrona earned his master’s degree in history from the University of the Philippines-Diliman last 2020. He obtained his bachelor’s degree in journalism cum laude from the same university back in 2010. His area of interests includes Philippine journalism, history, and politics as well as social media. Know more about him here: https://www.filipinoscribe.com/about/.

Leave a Reply

This site uses Akismet to reduce spam. Learn how your comment data is processed.

%d bloggers like this: